الواد النصاب زميل الدراسة بدون ذكر أسماء بيشتغل ف الكهربا-تخلص عليه البعيد-قالى تجيب عشرين باكو وأشغلك
الصراحة زقططت وقلت فرجت
شغلانه هنية
وقبضية متينة كل شهر
خلاص هتنغنغ
اتفقنا ياخد المبلغ ويخلص
ده لانى أهبل
وبثق فى الناس
زميل دراسة ياجدعان
انهرينا فول وطعمية سوا
وجزمنا انهرت من شوط الطوب والكورة
ذكريات طفولة وعيش وملح
صاحبنا خد الفلوس وخلع
يومين
شهرين
فران ليبيا كلها نطت ف عبى
اتصل يقول بكره بعده
مفيش نتيجة
سقت الرزالة
نطيت له ف كل حته
بقيت اطلع له من كوباية الشاى ولا مؤاخذة
لكنه اختفى
واكتشفت ان فيه ناس تانية من الحته خد منهم فلوس
وغيرهم وغيرهم
وكلنا آل ايه مخبيين كأنه سر عسكرى
الواد فص ملح وداب
بلغنا عنه
ياجدعان اتنصب علينا
وطلع المحروس لا بيتشغل ف الكهربا ولا دياله
واد صايع ونصاب
يا فلوسك يا شهدى
قرشين الميراث اللى عايش منهم طاروا
وعملت شبكة مخابرات
وفضلت اجرى يمين وشمال
لحد ما لاقيته
كان بيجهز نفسة عشان يكت بعكمة محترمة
وانقبض عليه وبعد ما اتعصر
رجعت الفلوس ناقصة باكوين على باكوين مصاريف
ربنا يعوض عليا
موضوع: أنا اتنصب عليا 
الأربعاء يوليو 22, 2009 6:55 am
