حصلى شوية مغص قلت حبة يانسون وكراوية وتنفك القرصة
مافيش فايدة
حباية مغص بربع جنية ولا عملت حاجة
يوم اتنين ومفيش فايدة حتى بعد ما خدت حقنتين منهم واحدة عاملة زى الخابور ربنا يسامحه اللى اداهالى ولا حوقت اكتر ساعتين وعاد المغص اللعين
ومحرمتش وخدت واحدة تانية فى العضل وربنا مايوريكم
كانت عاملة زى مية النار
وعملت كولكيعة محترمة ولا عنت عارف أمشى ولا أعقد زى اللى لا حامى ولا بارد
وف الآخر رسيت على دكتور وده اللى كنت خايف منه ف الاول
وبعد الفيزيتا تحليل وف الآخر ديدان هيه السبب!!!
ولاد الهرمة هما اللى قطعوا بطنى
لكن الحمد لله راح المغص بس فاضل صداع ف دماغى م الفلوس اللى دفعتها
حدش عنده دوا للصداع؟
موضوع: كان عندى مغص 
الإثنين سبتمبر 28, 2009 10:24 am
