توهان فى دنيا النسيان

توهان فى دنيا النسيان
--------------------------
دراما هزلية عن الاحوال المصرية
************************
-1-
****
أخونا توهان شاب مصرى حاصل على بكالوريوس تجارة00سبع صنايع والبخت ضايع00شطارة وفهلوة ومفهومية لكن الجيب فاضى والبطالة أخذت حقها معه00!!
وفى رحلته اليوميه فى البحث عن وظيفة أهليه بعد ان فقد الامل فى الحكومية0كانت النتيجة غير مرضية00 ولم يقبل فى البداية ان يعمل فى اية وظيفة والسلام00فقد كانت أحلامه خيالية وطموحاته لا متناهية!
محاسب ببنك !
لاصغيره عليه 00
فهو يرى نفسه مديرا مغوارا 00عظيم الشأن مهاب الجانب 00صارم لاينظر للارض!
موظف محاسبى بشركة كهرباء00
لا00لا
مدير قطاع00مكتب فخم00سيجار مستورد00 سيارة فارهة00ونسبة من الارباح وشاليه فى الساحل الشمالى والشرقى فى الخطوة القادمة00واكتفى بهذا القدر حتى تتضح الملامح00علاوة على انه قنوع بطبعه00!!
لاهذه ولا تلك00

هو يرى نفسه فى الاتصالات00مدير كبير وحوافز كالسيل ونسبة ارباح كالريح00فهم يبيعون الهواء00
لا00لا00
لم يعجبه قصور نظرته ومحدوديه طموحه الذى بات ضئيلا قنوعا للغاية!
البترول00
نعم انه البترول00
هو يحب الدولارات00
ولن يقبل باقل من مدير عام الحسابات باحدى الشركات الكبرى00
جيب آخر موديل00 ومصيف بجزر الكنارى فى اجازة الصيف00مع تعريجه على تايلاند وجوز صبايا لزوم الفرفشة
لا00لا
هذه طموحات مادية00
هو ليس ماديا00
الوجاهة والسلطة أهم00
لابد وان يكون وزير00
وزير للتجارة او التموين ولما لاالسياحة00حلوة السياحة والتعامل مع حلويات الاجانب!
لا00الاقتصاد أنسب شىء لشهادته00وهو عنده أفكار جبارة00مدافع مدوية00
سيرتفع بالبلد الى اول سماء كمرحلة اولى00سوف ينفخها بالاموال كالبالونه التى تكاد ان تنفجر00سوف ترى البلد عصر رخاء لم يشهده العالم00
سوف تتعلم الاطفال الرشق بالورق ابو خمسين بدلا من الحجارة00 ويغلفون كرساتهم بالورق ابو مية 00 اما ابو ميتين فللاغراض المنزلية00
وسوف يطبع كميات وفيرة من ابو خمسمائة وذلك لمصروف الاطفال لزوم الاكل والشرب والحلويات فى المدرسة00 يدوب يكفوا فخده مشوية ورومى وكيلو كباب وكفته وجوزين حمام وآيس كريم صاروخ سيتم استيراده يوميا باسطول طائرات لزوم منجهة الاطفال والمياة الغازية من بيبسى وكوكاكولا المصنع الرئيسى حفاظا على صحة الاطفال من مثلجاتنا المضروبة00
جميع الحقوق محفوظة للمؤلف د0تامر محمد
وكرتونه مياه معدنية يوميا مستورده من فرنسا لزوم الشرب والاستخدامات اليومية00مع فنطاس مياه يومى مستورد من منابع النيل رأسا للاستحمام!!
أفاق صاحبنا من الغيبوبة التى عاش فيها طويلا بعدما قرر ابوه طرده من البيت ووصفه بالتنبل!
أكل ومرعى وقلة صنعة والراجل موظف غلبان يصرف على سته من الاخوان!
هام على وجهه فى الشوارع مع صديقيه00سمعان ونبهان00
نزل من أعلى سماء الى سابع ارض 00
مسحولا يسف التراب متورم القفا من دنيا لا ترحم ومن وزير عظيم الشأن رفيع الجانب الى اى وظيفة لزوم لقمة يسد بها جوعة و ملبس يستر به نفسه
وكانت الوظيفه عربجى وبيومية عشرين جنيه حتة واحدة

تتبع ان شاء الله

--------------------------------------------------------------------------------

-3-
واستمر مخلوف طيلة اليوم فى الغباء والعناد والرفس والوقوف المتكرر تعبيرا عن غضبه واحيانا امعانا فى اذلاله
وفى كل مرة يتجاوز توهان عن هذه الافعال من الحمار اللئيم ودخل فى معركة لم يرد ان يخسرها ويستسلم لحمار!
صبر عليه حتى يمل منه الحمار ويتخلى عن هذه الافعال التى لو استمر عليها لانقطعت لقمة العيش وعاد الى التشرد واستجداء اللقمة بعد ان طرده ابوه!
وعندما كادت الشمس ان تغرؤب كان قد جمع بين يديه اكثر من الخمسين جنيها التى جعلها المعلم حدا أدنى لرحلة الشقاء اليومية00
كاد ظهره ان ينقسم وهو يحمل ويفرغ وساقيه لا تحملناه00
كانت اول مرة فى حياته يعمل بهذا الشقاء والبؤس ويعانى هذه المعاناة التى أدمته جسديا ونفسيا وهو يدعو الله ان لا يلتقى بأحد من الزملاء او الاصدقاء ويرونه فى هذا الحال المزرى!
وفى عودته استمر الحمار الملعون فى التكاسل والوقوف المتكرر ولم تعد به صحة لان يجره00
امسك بالعصا وضربه على مؤخرته بعنف وغل تعب اليوم باكمله00
وبحركة بهلوانية قام الحمار بلف جذعة وطار بنصفه الخلفى بمنتهى الرشاقة ليرفس توهان فى صدره ويطيح به فى الهواء كورقة شجر جافة تسقط فى الخريف!
وانتهت المسألة عندما تجمع الناس وعلى ظهر الكارو اقتادوه للمستشفى 00
الغريب ان الحمار اللعين كان يجرى ويرمح كما لم يفعلها من قبل !
وفى المستشفى اكتشفوا اصابته بكسر فى ضلعين!
عاد للمعلم وصدره مجبر يئن من الالم !
كان المعلم فى انتظار والشرر يتطاير من عينيه
قال:
-ايه اللى أخرك ياد؟
-حمارك كسرلى ضلوعى يامعلم
-تستاهل00أكيد ضربته
فين الايراد ياد؟
ألقى له توهان بالنقود فى وجهه وقال:
- فلوسك معاك00وحمارك عندك00وشكرا
-قصدك ايه يا دهول؟
-مفيش شغل تانى 00شطبنا
-ف داهية00فلوسك أهى00مع انك ملكش حاجة عندى 00بس عشان ظروفك00
خد وما أشوفش وشك تانى
انصرف توهان من عنده وهو يتألم ويئن 00لقد رضى باحقر الاعمال 00وقبل السب واللعن وتبعثرت كرامته بعد ان مزق شهادته والقى بها تحت قدميه ولكن لم ترض عنه الدنيا !
ذهب لبيت صديقه نبهان 00وكانت حالته مزريه وعندما رآه صديقه00اندهش لحاله00
تركه ملقى على الفراش وذهب لوالد توهان يخبره بما حدث ويرقق قلب الاب فيه 00
ذهب الرجل ليحضر ابنه وهو يستعوض فيه اللهتتبع

--------------------------------------------------------------------------------

-4-
لأين تذهب بك الدنيا يا توهان؟
بعد اسبوعين من الجلوس فى البيت والتسكع مع صديقيه مائلى الحال وآلام الكسر فى الضلوع 00
وبعد الضيق الشديد الذى ألم به وهو يتجنب النظر فى عين والده00
جاء له صديقة سمعان بوظيفة جديدة واكثر احتراما من العربجى 00
سوف يعملان فى الحراسة!
شركة ملابس تطلب حارسى أمن00
واحد الموظفين المرموقين بالشركة قريب له وتقريبا تم تعيينهما00
ما عليهما الا الذهاب واستلام العمل بعد تقديم الاوراق المطلوبة
دار الخيال بتوهان وحلق عاليا 00
هذه هى الخطوة الحقيقية فى سلم المجد00
من حارس لمدير لصاحب شركات ومصانع00
ما هى الا فترة انتقالية ضغيرة ويصبح من يشار اليه بالبنان!
واستلم الوظيفة 00
وقف الحارس الهمام على باب المصنع مع زميله كأسدى قصر النيل00
وظيفة مريحة وراتب ممتاز 00
اكل ومرعى وقلة صنعة00
أول مرتب00
حلم بعيد00
لكنه اول حجر اساس فى تحقيق طموحاته00
بداية الثروة من هنا00
رحلة الكفاح الطويلة تبدا بهذه الجنيهات00
طقم ملابس جديد00
لا00لا00
حذاء رياضى00
لا00لا00
لن يرمى بالنقود فى الارض00
ان تفكيره ليس استهلاكيا ابدا ولن يكون مهما كانت المغريات00
ومر اول يوم طويلا كئيبا وهو يحاول ايقاظ صديقه الذى ينام جالسا وواقفا وعلى كل صورة00
ماذا لو رآه أحد المسئولين؟
سيكون آخر يوم لهما بهذا العمل00
وفى آخر مرة نام00
كان كالجثة00
لم يستجب 00
لم يصحو00
واصبحت فضيحة نومه علانية00
خاصة مع انطلاق شخيره مدويا00
قد يصل الصوت القوى المتتابع الى مكتب المدير00
أمسك بزجاجة المياة المثلجة وسكبها فوق رأس هذا التنبل حتى يصحو00
صرخ مفزوعا00
-فيه ايه؟
-اصحى يا بنى آدم 00فضحتنا
-اييييييييه
هو احنا ف خدمة جيش
-هوه لازم يبقى جيش عشان تلتزم
-ياعم00هوه فيه حد شايفنه
-ولو00
كفايه صوت شخيرك ح يخلى اللى ما يشترى يتفرج
-آه00هى اللحميه بنت الكلب
-ما علينا00
فاضل نص ساعة ونروح
-أنا بقى الشغلانة دى مش عجبانى
-ليه يا فالح؟
-ممله
-وقعدة العواطليه00هيه اللى حلوة
-مش الفكرة00انا نفسى ف مكتب وشغل افنديه
-وتلاته مليم آخر الشهر
-كله باحترامه
-انت عيل فقرى ومحبط
سبنى عايش الله يخرب بيتك
-ياعم
مسألة التعايش مع الواقع لا تستهوى توهان ولكنه يحاول ان يقنع نفسه بان الحياة سلم يجب ان يصعده00ولكنه غير مقتنع00 لا يريد حقا الصعود درجة درجة00
يحلم بالمصعد 00وتك فوق 00فوق لكن ليس على طريقة على بك مظهر
سوف تفرج 00
وآه يازمن!!

تتبع

-6-
نظر اليه والده فى غضب وعصبية وقال:
-انت انسان فاشل ومش ح تنفع فى اى حاجة00
أطرق توهان برأسه قبل ان يتبع والده:
-بص آخر فرصة ليك ف البيت 00
انا كلمت عمك توفيق تشتغل معاه على عربيته ولو مسديتش نشفوفش وشك!

زفر توهان بضيق بالغ 00
فى الآخر ترسى على توفيق أرخم بنى آدم عرفه!
استحمل يا توهان يمكن تكون بداية طريق المجد!
وفى اول يوم حمل السيارة باقفاص الفاكهة وركب مهدودا الى جانب العم توفيق وبعد مضى ساعة فى الطريق وتوفيق لا يكف عن الحديث 00حديث سمج لا يخرج عن المواعظ والارشادات التى تقال للاطفال00 وعن شكوى والده منه00وكيف انه انسان متبلد يحب النوم والكسل والاكل !
كان الرجل سمجا وحشريا !
توقف توفيق ونزل من السيارة ليضرب حجر معسل وكوب شاى00
جلس امامه توهان فى ضيق والرجل يشفط الدخان كالبالوعة ويزفرة فى بطء شديد00دفقة من الفم وأخرى من الانف ثم يرشف شفطة من كوب الشاى ترتج لها المنضدة!
قال الرجل وهويدفق الدخان فى وجه توهان:
-تعرف ياواد ياتوهان انك حمار
-انا ياعم توفيق؟
-وحمار كبير كمان
-ليه؟
-انت مخلص جامعة من امتى؟
-بقالى تلت سنين
-عملت فيهم ايه غير الصرمحة والقعدة على القهاوى
-انا كنت لاقيت شغل وقلت لا
-الشغل كتير00كان زمان معاك دلوقتى قرشين حلوين كنت سافرت بيهم بره واتنغنغت

وشعشعت الفكرة فى رأس توهان وألحت عليه00
نعم انه السفر 00ياسلام!
لو اوروبا!
بيضة ذهب 00
يرجع من هناك باليورو زكايب ويصبح رجل اعمال وهذا يعطيه الاولوية ليحقق حلمه فى ان يكون وزير!
غرق فى أحلامه قبل ان يوقظه توفيق بصوته الاجش00
وانطلقا مرة اخرى فى طريقهما الطويل00
قال توفيق:
-انت لازم تتعلم السواقة00عشان تساعدنى فى المشاوير الطويلة
-انا بسوق بس على بسيط
-حلو 00يعنى كام طلعة تدريب وتبقى بريمو
-ياريت ياعم توفيق00ايدى على كتفك
-من بكره بعد الشغل 00تاخد لفه

سرّ توهان بالفكرة فمن الممكن ان يصبح سائق وهذا يعطيه فرصة لجمع مبلغ اكبر وفى وقت أقصر ليحقق حلم السفر الذى أصبح لا يتمنى شىء سواه
تتبع

--------------------------------------------------------------------------------

-7-
شعر توهان انه لديه رغبة أكيده فى تعلم القيادة وقيادة هذه السيارة الجديدة المميزة وألحت عليه الرغبة بقوة والعم توفيق يسوف ويؤجل الموضوع حتى رضخ لالحاح توهان
وبعد انتهاء توصيلة اليوم
استقل توهان القيادة00
ومع اول طلعة زمجرت السيارة وترجرجت فى عنف
قال توفيق بانفعال:
-بالراحة يا بنى
دوس بنزين بشويش واسحب دبرياج سنه سنه
على مهلك
وفعل توهان وأصبحت الطلعة اكثرا هدوءا ونعومة
سار قليلا بالسيارة وكان فى منتهى الغبطة والسعادة !!
ولم يمر كثيرا حتى قال توفيق:
-كفاية كده النهارده نكمل بكره
انت غشيم ورجلك تقيله وربنا يسترها على العربية

أخذ توهان يحلم بانه اصبح سائقا يستقل بسيارة ويجمع الجنيهات للاستعداد للسفر الى الخارج
لابد وان يتقدم فى القيادة بسرعة حتى يتخلص من رزالة توفيق
وفى المساء وبعد يوم عمل شاق00
ارتدى ملابسه وسار فى المنزل كالديك الرومى المنتشى أمام والده فقد مرّ أسبوع وهو يعمر فى العمل الجديد 00نظر اليه والده بقرف وقال:
-على فين يافالح
-ح أفك شويه
-يابنى عندك شغل الصبح
-كلها ساعة وارجع
-أكيد رايح تقابل المقاطيع الصيع صحابك
ولم يعلق وانما خرج ليقابل صديقيه سمعان ونبهان على القهوة
جلس منتشيا وهو يضع ساقا على ساق
قال كالفاتح المغوار:
-تعرفوا يا زبالة انا النهاردة سوقت العربية وطلعت بيها المشوار كله
-ياراجل معقول
-طبعا مسألة نباهة وشطارة
مش زيكم آخركم عجلة
قال سمعان:
-ايوة يا سيدى اللى على على
-بس كلها كام يوم واسيب الراجل توفيق واشوف عربية أسوقها لحسابى
قال نبهان:
-لعبت يا معلم
-انا مبحبش قر المقاطيع والعواطليه ده
قال نبهان:
-خلاص يا أسطى00اتغريت من أولها
-مش مسأله غرور ولكن احساس بالعبقرية
قال سمعان:
-أمال لو سقت تيريلا حتكلمنا ازاى
-يابنى دى فترة مؤقته أجمع القرشين وأخلع

واستمر السمر حتى قبيل الفجر حتى قام توهان من على القهوة ودخل البيت على أطراف أصابعه وألقى بنفسه على الفراش ونام كالجثة فكلها ساعتين وتبدأ رحلة شقاء جديدة

تتبع__________________

-8-
أخذ توهان يعد الساعات ويترقب انتهاء التوصيلة حتى يمنحه توفيق فرصة قيادة السيارة
وعند الموعد المرتقب أستقل توهان المقود وانطلق فى البداية على مهل وحذر وبدا أنه يتقدم بسرعة
وقد اثنى عليه توفيق ممازاد من نشوة توهان 00
كان قد بدأ يتساقط من التعب00
وفى لحظة ترك الطريق والسير المنتظم وانحرف بشدة ليصطدم بحائط!!!!!!!!!
أفاق توهان من الصدمة ونزل من السيارة التى تهشمت مقدمتها وتوفيق يولول:
-الله يخرب بيتك00
العربية الجديدة اللى عليها أقساط00
منك لله يا ظالم 00
اعمل ايه أنا دلوقتى00
الحق مش عليك00
الحق على المغفل الاهبل اللى يدى عربيته لحمار زيك يلعب بيها00
الله يخرب بيتك انت وابوك00
أمسك توفيق بتلابيب توهان وهو يصرخ فيه:
-أعمل فيك ايه؟
أخلص عليك واروح فيك ف داهية؟
م تستاهلش
أبيعك عشان أصلح العربيه؟
م تسواش

تركه توهان وانطلق00
استبد به الحزن والضيق وأظلمت فى وجهه الدنيا00
هكذا تبخر الحلم فى لحظة00
وضاعت الوظيفة وعاد للشحاته!
الادهى انه لن يستطيع العودة للمنزل ومواجهة والده!
ماذا سيقول وماذا سيفعل؟
ذهب لصديقه سمعان والذى ما ان علم بما حدث حتى غرق فى الضحك00 وأشبعه سخرية!
-أنت تقعد معايا يومين لحد ما تدبر حالك
قال توهان:
-والله أنا زهقت00
الواحد مش عارف ملطشه معاه كده ليه؟!
أعمل ايه؟
-شوف يابنى احنا نشتغل حراميه ونخلص
نعكم عكمه طرية ونخلع م البلد دى
-ههههههه
لا00فالح
هيه السرقة كده بالساهل؟
دى فن واحنا ملناش فيها
-نتعلم يا معلم
- تفتكر؟ طب ومين يعلمنا؟
-احنا نخطط كده00 لما اتصل بالواد نبهان يفكر معانا
-تعرف هوه نبهان
-قصدك ايه؟
-الواد نبهان ابوه دفيان ومضيّع فلوسه على النسوان
-قصدك نسرقه ؟
-طبعا00
احنا أولى ولو اتمسكنا طبعا مش ح يسجن ابنه
-طول عمرك عبقرى ياد يا توهان00أنا عارف مين اللى قال عليك توهان!
-ظلم يابنى والله
عشان بسرح لى سرحتين وأتوه حبتين قلتوا عليا توهان

وعندما قدم اليهم نبهان00
عرضوا عليه الفكرة00
صمت قليلا وقال:
-أسرق أبويا؟!
كتيره دى يا جدعان
قال سمعان:
-ياعم
احنا ح نرجعها له لما تفرج علينا فى السفر
-هيه فكرة السفر دى تستاهل00 عز ومنجهه ونسوان عل الفرازه00 عيشه مكن صحيح
أنا موافق
قال توهان:
-بس لازم نتكتك ونحط خطة متخرش الميه
قال سمعان:
-قبل التنفيذ نشوف ح نسافر ازاى ومين ح يسفرنا
وح نتكلف قد ايه؟
قال توهان:
-كلام سليم00 ولازم يكون السفر جاهز على طول من غير تاخير

جلسوا يحلمون بالسفر حتى غرقوا فى أحلامهم وكل واحد له هدف مختلف وتطلعات غير الآخر
تتبع

-9-
أخذ الثلاثة يخططون لجريمتهم بالاستيلاء على أموال والد نبهان00
الى ان جاءت اللحظة المناسبة لتنفيذ المخطط
والد نبهان تاجر وبمراقبته تبين أنه اليوم سوف يقبض مبلغ محترم من المال يخص بيعه لتاجر من قبلى وسوف يسلمه المال بعد العشاء ولذلك لن يضع المال فى حسابه كالمعتاد الا فى الصباح00
وتفتق ذهنهم الاجرامى الذى لمع فجأة عن تسلق توهان وسمعان للمواسير وكسر شرفة الحمام التى سيتركها بالطبع نبهان مفتوحة بعد أن يخدر والده وزوجته قبل الفجر00
ودخل توهان وسمعان من النافذة وكان نبهان فى انتظارهما وسلم لهما المال ثم طلب منهم تخديره هو الآخر حتى يصحو الجميع فى الصباح مخدرين ويكتشفوا السرقة بفعل اللصوص المجهولين00!!
وفى الصباح أفاق الرجل من غيبوبته ليجد زوجته ممده لجوارة كالجثة ويجد كذلك نبهان يغط فى نوم عميق00
أكتشف الرجل سرقة أمواله بعد ايقاظ الزوجه وابنه بصعوبة قام بابلاغ الشرطة ونبهان قد أجاد دوره وهو يشعر بالاسى وقد أخذته المفاحأة!!!
وهكذا انتهت العملية على خير وبعد مرور عدة أيام ونوم الموضوع الذى طبخوه جيدا00
بدأوا فى السعى خلف عاشور فيزا ليقوم بتسفيرهم00 وبعد ان حظوا بمقابلته قال:
-شوفوا يا رجاله
السفر اللى عندى دلوقتى للخليج ماشى الحال
قال نبهان:
-يا عم احنا عايزين اوروبا
قال:
-صعبة اليومين دول
قال سمعان:
-هوه فيه حاجة بتصعب عليك يا كنج
صمت الرجل قليلا قبل ان يقول:
-هوه فيه سفريه كده لليونان 00تمشى؟
قال توهان:
-قشطة
-بس دى تهريب00وانتوا وحظكوا
نظروا لبعضهم البعض وقال توهان:
-لا يا عم العمر مش بعزقة
قال سمعان:
-ما هو كده ضايع ضايع00 قلتوا ايه ياشبابظ
قال نبهان:
-بقى بعد كل اللى عملناه وآخرتها تهريبة ولليونان 00لا يا عم احنا ممكن نموت ف البحر
قال فيزا:
-فيه ايطاليا بس الواحد بسبعين ألف
قال توهان:
-يا نهار أسود 00كتير جدا
قال سمعان:
-بص يا عمنا هما تسعين ألف لينا احنا التلاته يمشى الحال
هز فيزا رأسه:
-لا00لا00بعيدة قوى وتقف بخساره
خلوها وعشان خاطركم ميه وعشرين
قال نبهان:
-نجيبهم منين يا جدع نسرق يعنى
قال توهان:
-كل اللى حيلتنا التسعين ياعم فيزا 00 شوف لك حل00 يا أما ملناش نصيب
-طب يومين كده وأرد عليكم وان شاء الله خير

تركوا الرجل وأحلامهم تشتعل ويشعرون باقتراب الحلم
تتبع

--------------------------------------------------------------------------------

10-
ذهب الثلاثة الى عاشور فيزا بعد اتصال هاتفى منه00 كان يترقبون كلماته وبشارته لهم00
جلسوا فى تحفز قبل ان يقول الرجل:
-فرحت يا رجاله
قال توهان:
-خير يا وش الخير
قال عاشور:
-سفرية لايطاليا وبتسعين ألف00
أوكازيون فى أيام سوده
والله انتوا عيال مرزقة بجد
قال نبهان والسعادة تغمره:
-قشطة يا عاشور يا جامد
قال عاشور:
-والله انا لولا الجيرة والزمالة ما كنت تعبت نفسى عشان أجيب لكم السعر ده00لو أخويا معرفش أجيبها له بالسعر ده
قال توهان:
-أبو الكرم طول عمرك
قال عاشور:
-بصوا السفر بعد تلت تيام00
تهريبة على مركب بضاعة كبير00
قال سمعان:
-برضة تهريب وبالسعر ده
قال عاشور:
-تهريب عن تهريب يفرق
دى مركب كبير وأمان00
ح تدخلكم ايطاليا بأمان00
انتوا ح تركبوا فى بطن المركب وقبل المينا00
القبطان ح يسلمكم لمركب صغير تسلكم لجوة ايطاليا وهناك واحد تبعنا ح يستلمكم ويرستقكم هناك وانتوا وشطارتكم بقى
قال نبهان:
-يعنى 00يعنى مفيش خطورة
-عيب يا جدع 00دى فرصة محدش يحلم بيها ومضمونه ان شاء الله مية ف المية دا أنتوا ولاد حتتى ورقبتى ليكم00
جهزوا نفسكم وعل البركة
قال نبهان:
-بقولك يا عاشور00
مفيش جنس حد يعرف الموضوع ده ولا اهالينا
قال وهو يبتسم:
-مفهوم00 شغلتنا دى أسرار

تركوا الرجل وهم فى قمة السعادة00
قال توهان:
-والله وح تحلوا يا جدعان
قال نبهان:
-ح تبقى عيشة ملك وح تلعلط
قال سمعان:
-والله أنا حاسس أننا ح نتسحب زى البهايم وهناك ح ناخد على قفانا
قال توهان:
-الواد ده محبط
قال نبهان:
-أنت عيل معفن00
ياعم كل خير ان شاء الله
تتبع

-11-
جلس الثلاثة متكومين فى باطن السفينة لجوار المحركات المزعجة00
قال توهان:
-ركوبة سوده
قال سمعان:
-الله يخرب بيته عاشور الكلب
قال نبهان:
-يا شباب اللى حصل حصل00كلها يومين يعدوا هوا ونوصل ان شاء الله
قال توهان:
-مش عارف ليه حاسس ان القبطان المعفن الرخم ده ح يرمينا فى البحر
نبهان:
-ياعم بلاش الافكار بتاعت الافلام الهندى دى00
احنا راكبين بفلوسنا
-ساعة الجد يا حلو لو اتزنق ح يرمينا فى عرض البحر
-ليه هوه احنا سمك؟!
-هوه احنا حصلنا ولا نطول
قال سمعان:
-يا جدعان كل واحد يتخيل اللى ح نشوفه بعد يومين00عيشه ونضافة وفلوس وحريم نار
قال توهان :
-اتنيل لما نوصل
******************************
ومر يومان قبل ان يدخل عليهم رجال أشداء ويجرونهم فى ظلام الليل00 الى رجل يقول:
-انتوا بينكم وبين المينا تلاته كيلو00
واحنا مهمتنا لحد كده انتهت00
ح تنزلوا هنا
قال نبهان:
-يا نهار أسود00 ننزل نعمل ايه ف الضلمة دى؟
قال الرجل:
-كل واحد ح يلبس طوق نجاة وتستنوا لحد ما القارب يجيى ياخدكم
قال توهان :
-ازاى الكلام ده00 لا انا مش نازل لو000
ونزل القفا يرن قبل ان يكمل عبارته
قال الرجل وهو يصرخ فيهم:
-ولا كلمة
وتم القذف بهم فى الماء كالنفايات

تتبع

تحفة بجد
اسلوب رائع

حقيقى فيه شباب فى مصر ضايع

-12-
الظلام المخيم على المكان يخلع القلوب ويسلب العقل ثباته والخوف يتدفق فى النفوس 00
الماء بارد جدا يجمد الاجساد ويكاد يسلب ارواحها00
تلاصق الشباب بعضهم ببعض وهم يقبعون فى الماء لا حول لهم ولا قوة وهم يشعرون باقتراب المصير المحتوم00
قال سمعان وهو يرتجف:
-منك لله يا توهان انت السبب 00آدينا هنموت
قال سمعان:
-سامحنى يا آبا00 سرقتك وهربت وح أموت حرامى وزى الكلب
قال توهان:
-محدش يلومنى 00كلنا اشتركنا مع بعض00 انت كنت صاحب الفكرة يا سمعان والا نسيت!
سمعان:
-يا ليلة سودا!!
ح نموت فطيس كده ياجدعان00
لازم نشوف لنا حل
توهان:
-ألحقوا فيه حاجة جايه من بعيد أنا سامع صوت
نبهان:
-ده لازم حوت شمنا وجاى يبلعنا

اقترب الثلاثة من بعضهم اكثر والرعب يكاد يقتلهم00
مرت اللحظات بطيئة جدا وفى غاية الرعب قبل ان يدركوا ان القادم مركب صغيرة عندما سلط الضوء عليهم منها للحظه!

همس توهان:
-اتمسكنا
قال سمعان:
-مش مهم 00المهم نعيش

أدركهم الزورق وقام بانتشالهم ثم تبينوا أنه منقذهم الذى انتظروه بعيدا عن الشرطة فردت لهم ارواحهم وجلسوا منتشين!!
وقبيل الشاطىء بقليل نزلوا يحملون الاسماك مع الرجال وانطلقوا خلفهم لا يعرفون لهم وجهة
*********************************
استقروا بحجرة صغيرة فى أحد الاحياء الفقيرة00
ناموا كالجثث بعد رحلة شاقة مرعبة ومن ضيق الحجرة الشديد كانت الاجساد متلاصقة والانفاس تكاد ان تختنق!
وفى اليوم التالى أدركوا أنهم مشردين ومطاردين من الشرطة فلو تم كشف أمرهم لتم اعتقالهم وترحيلهم وهو ما يعامله مضيّفهم من خلاله محاولا استغلالهم واذلالهم لاقصى حد00
تبخر سريعا الحلم الوردى ولكن عزائمهم لم تكن قد فترت بعد وبالتأكيد الافضل قادم وهذا ما حاولوا اقناع انفسهم به!

تتبع
________

-13-
الضرب على القفا والتلطيش كان من نصيب الثلاثة ويوما بعد يوم اكتشفوا انهم تعرضوا للنصب والاستغلال!!
عرفوا معنى الاقامة السوداء بدولة أجنبية بدون هوية ولا جواز سفر وموضوع النجاحات وتعئبة زكائب الاموال هى تجارب فردية محدودة لا تعد قاعدة !
والمجموعة التى استلمتهم لعبت على وتر الابلاغ عنهم واستغلتهم أبشع استغلال وكأنهم عمال بالسخرة
اجتمعوا متكومين فى آخر الليل ساخطون لاعنون00
نسوا أنهم سافروا بمال مسروق00
قال توهان:
-كانت شورة سودة
قال سمعان:
-فى الاول والآخر شورتك
قال نبهان:
-احنا دلوقتى مش فى شورة مين00
لازم نهرب من هنا
سمعان :
-نروح فين؟
نبهان:
-أى مكان بعيد عن ولاد الهرمة دول
توهان:
-ناخد فى وشنا وزى ماترسى
نبهان:
-مش ح نعرف نهرب مع بعض
توهان:
كلام مظبوط
-احنا نتسرسب واحد ورا التانى ونتقابل عند المينا فى الحتة اللى ورا بتاع البيتزا 00ماشى الكلام
-تمام
-تمام
توهان:
-اقعدوا بالعافية انا ح أكت
سمعان:
-وليه مش أنا الاول
قال نبهان:
-لا انت ولا هوه أنا الاول
قال توهان:
-نعمل كيلو بامية
وكان توهان الاول فمضى متسللا
تبعه سمعان ثم نبهان
لكن لم يلتقوا فى المكان المحدد وتفرقت بهم السبل لان كل واحد منهم صادف مشكلة أبعدته عن مكان الالتقاء ليتفرق شملهم!!
ولهذا قصةتتبع

يا ترى حيفوقوا امتى