الجاموسة اللى حيلتى إتكهربت

أقول أيه منهم لله بتوع الكهربا
الجاموسة الأصيلة اللى حيلتى وأعز شىء ورثته إتكهربت
كانت راجعة من الغيط زى كل يوم فى أمانة الله داست على سلك عريان مدلدل من عمود كهربا إتكهربت
ولولا ستر ربنا إنها أتنطرت بعيد كانت ماتت
لكن يا سادة ما حدث بعدها كارثة
العزيزة الغالية نشفت وبطنها إتشفطت أى والله إتشفطت
ولا ندعة لبن
نشفتتتتتتتتتتتتتتتتتتتتتتتت
كل يوم كانت بتجيب حلبتين عجب بينزم قشطة وأخوكم غارقان فى القشطة والسمنة البلدى المعتبرة دلوقتى معنتش لاقى غير زيت التموين اللى عامل زى زيت العربيات
شفتم اللى حصل بعد العز والبغددة !!
منكم لله يا اللى كنتم السبب
شاطرين آخر كل شهر يلموا الفواتير ويقلبونا
لكن صيانة لا
لكن شوية إهتمام ما يهمش
السلك متدلدل من العمود بقاله أسبوع ولا حد عبرنا
هما فاضيين يصلحوا
لا
إدعوا لجاموستى العزيزة تخف لحسن عقلى يخف

ربنا يشفيهالك وتقوم بالسلامة وتغرق الدنيا لبن وقشطة يا قشطة

ربنا يعوض عليك ياعم شهدى وإن شاء الله يشفيهالك

يا شهدى يا جميل ربنا يتم شفاها إن شاء الله
وإحنا لازم نلم لك ونجيب جاموسة أجعص منها

خللى بالك من الجاموسة دى أكيد اتلبست

هههههههههههههههه
ربنا يخرب بيت اللى كان السبب

يا عمنا شهدى ولا يهمك
نصيحة من أخوك قرمط اللى إتمرمط إنت تفصل الكهربا عن البيت وتوصل سلك الداخل على الجاموسة كلها يومين إستهلاك منزلى وتسحب جرعة الكهربا وترجع لك صاغ سليم
والا اقولك نوصلها بمرعى بتاع الكلّلمة يمكن أخلص منه يبقى ساعدتنى وساعدتك

القرموطى كتب:

يا عمنا شهدى ولا يهمك
نصيحة من أخوك قرمط اللى إتمرمط إنت تفصل الكهربا عن البيت وتوصل سلك الداخل على الجاموسة كلها يومين إستهلاك منزلى وتسحب جرعة الكهربا وترجع لك صاغ سليم
والا اقولك نوصلها بمرعى بتاع الكلّلمة يمكن أخلص منه يبقى ساعدتنى وساعدتك

وأنا مستعد أضحى بالجاموسة وتخلص من مرعى الغتيت

ههههههههههههه

موضوع ظريف