- مرة فار فشار شاف جثة اسد قعد يجر فيها لغاية ما وصلها الغابة المهم الحيوانات كلها قعدت تهتف وتقول عاش الفار، راح الفار رفس الاسد برجله وهو بيقول انا لما اتعصب ما برحمش.
- دكتور اسنان كان مصاحب شله وخلع منها .
- واحد سباك راح للدكتور (يكشف):الدكتور ال مراته الحوض مكسور ال له مش المهم الحنفيه شغاله.
- واحد غبي حب يوصل بلده بسرعة ركب القطر وقعد يجرى فيه.
- مجموعة من الكلاب قاعدين مع بعض بيتكلموا فى موضوع فالأول قال: هوهو .. قام التانى رد وقال له : هوو هو .. الثالث قال: هوووهوو .. راح الرابع قال . وووووووو .. رد عليه واحد قاله لو سمحت ما تخرجش عن الموضوع.
- مرة واحد ماشي مع واحدة فشافت أبوها فقالت : أمشي أبويا جاي .. راح قال : إيه يعني قولي له أخوكي.
- ما هو التشابه بين إزازة الريحة والجواز .. الريحة قسمة والشبراويشى والجواز قسمة ونصيب.
- ما هو التشابه بين الكمبيوتر والحفرة .. الكمبيوتر حاسب ألي والحفرة حاسب لتقع.
- مرة واحد راح يخطب واحدة فأبوها قال له بس البنت لسه بتدرس .. قال له خلاص أجلها في الفسحة.
- مرة المدرس سأل الاطفال فى الفصل الى يفتكر نفسه غبى يقف .. بعد شوية وقف تلميذ ... فسأله المدرس وليه بقى يا سيدي بتفتكر نفسك غبي .. فرد عليه التلميذ اصلي محبتش اشوفك واقف لواحداك يا أستاذ.
- مرة كلب فقد الذاكرة ماشى فى الشارع بيقول صوصو...لا نونو.....لا .....
- مره واحد مسطول بيصطاد سمك بالحشيش طلعت له سمكة بتقول : انا تمساااااااااح.
- فار محشش قال : كل القطط تحت جزمتى .. فلقى وراه قط اسود قال الا ابو سمرة حبيبى.
- ليه السمك بيخاف من الجنيه .. علشان الجنية فية 100 قرش.
- واحد لقى صاحبه بيجرى قاله بتجرى ليه .. قاله أصل مراتى بتتوحم على ترمس وأنا خايف للواد تطلعلوا ترمساية فى وشة.... فرد عليه وقال له ماتخافش، مأنا أمى كانت بتتوحم على أسطوانة وأبويا مجبهاش... جرالى حاجة.... جرالى حاجة......جرالى حاجة.
- واحد غبي اشترى تكيتف ولما جه يركبه فى الحيطة ركبه بالمشقلب وبعدين جه شغله قال أوففففففف .. أوفففف الله .. يكون فى عون اللى بره.
- مرة واحد غبي قال لأبوه: عايز آخذ نوكيا قال له:على جثتى حتاخد بنت عمك.
- ايه الفرق بين الاسبوع وموس الحلاقة والصحراء ..الاجابة ان الاسبوع فيه حد ، والموس فيه حدين، والصحراء ما فيهاش حد.
- سواق ماشى على الطريق فقابل واحد لابس احمر فى احمر فشاور له فوقف السواق.. وقال له: انت مين وعايز ايه.. قال له: انا الفرفور الاحمر وعايزك توصلنى.. فقال له: لا مبوصلش فرافير ومشى وسابة.. وشوية قابل واحد لابس اصفر فى اصفر وبيشاور له فوقف.. وقال له: انت مين و عايز ايه.. قال له: انا الفرفور الاصفر وعايزك توصلنى.. فقال له: لا مبركبش فرافير.. ومشى و سابة شوية وقابل واحد لابس اخضر فى اخضر عمل معاه نفس الحكاية.. فالسواق سابة ومشى شوية كمان كده.. وقابل واحد لابس ابيض فى ابيض بيشاور له فالسواق وقف.. وقال له: يا ترى انت بقى الفرفور الابيض .. فقال له: الراجل فرفور ايه رخصك يا حبيبي.
- مسطول بيسأل صاحبه فقال له تتوقع ان الجمعة يوافق آخر الشهر ؟.. فرد عليه.. وقال له: لو ضغطنا عليه يمكن يوافق.
- مرة واحد بلدياتنا شال جرس الباب وركب فيبريشن.
- مرة غبي اشتري تاكسي وماشي بيه ومبسوط واحد فواحد وقفه.. وقال له تاكسي يااسطي.. قال له ايوه تاكسي.. وكمل مشي.
- راجل متجوز عنده دولاب فى البيت ممنوع أى حد يفتحه ومراته حيقتلها الفضول وعاوزه تعرف الدولاب فيه ايه لكن الرجل مش مديها أى فرصة.. المهم فضلت طول عشرين سنة منتظره الفرصة لحد ما فى يوم نسى يقفل الدولاب ونزل.. ففتحت فلقيت عشرين ألف جنيه وبيضتين فجريت على جوزها وسألته عن سر الموضوع ده وأصرت انها تعرف.. فقال لها: اقولك بس توعدينى انك تسامحينى .. قالت أوعدك.. فقالها الصراحة: انا كنت كل ما أخونك أجيب بيضة و أحطها فى الدولاب.. فالست قالت فى نفسها مرتين خيانة فى عشرين سنة.. ماشى سامحتك بس العشرين ألف جنيه دول بتوع إيه.. قال لها ابداً أنا كنت كل ما اكمل كرتونه أبيعها.
- واحد بخيل ابوه مات فراح يعمل نعى فى الجرنان .. فقال لهم: أقل حاجة عندكم ايه .. قالوا له : سطر واحد خمس كلمات.. قال لهم : اكتبوا رزق ينعى ولده.. قالوا له : لسه فاضل كده كلمتين
قال لهم: ويصلح راديوهات.
- راجل ومراته ساكنين جنب شريط سكة حديد.. فكل لما القطار يعدى يوقع لهم الدولاب فالزوجة زهقت.. فجابت نجار وطلبت منه يصلح الدولاب فالنجار اختبر الدولاب وقال لها ده سليم.. قالت له خش جواه ولما القطر يعدى هاتعرف العيب فين.. فسمع كلامها ودخل وبعد شويه جوزها وصل من الشغل وفتح الدولاب وفوجئ بالنجار.. فقال له انت بتعمل ايه هنا فرد عليه.. لو حلفتلك ميت يمين حتصدق انى مستنى القطر...؟.
- واحد غبي دخل محل أدوات كهربية.. فسأل صاحب المحل وقال له: عندك تلفزيونات ملونة فقال له : أيوه.. وقال له: طب أديني واحد أحـمر.
منقول
موضوع: نكت على الماشى 
الثلاثاء مارس 01, 2011 12:06 pm
