جمعية المطحونين فى الارض
____________________
النهاردة صحيت من النوم زى كل يوم عينيا ورمة وبعد التفعيص فيهم ورموا زيادة
طبق فول بالتحابيش وفحل بصل معتبر وبعدين كوباية شاى حبر من بتاع الصعايدة حتتعدل وتزهزه وتبقى مانجة عويس ولا ونى معرفش مين الحاج عويس ده لكن طعمه حلو والسلام
بعد الاصطباحة يا سادة يا كرام
قعدت زى الكتكوت الدايخ
ما هو البصل مع الفول بيخدر الجسم حبتين بس بعدها الواحد بينطلق زى الفحل السايب اللى من غير حبل ممكن يجر ونش
وبعد ما الصحصحة دخلت عليا وعينيا فكت وبقيت شايف اللى قدامى جت فكرة جهنمية وفضلت تزن فى راسى زى الدبور الاحول
واد يا شهدود(اسم الدلع بتاع حضرتى ولا مؤاخذة)
انت ساكت ليه على حكاية الطحنة اللى مكسرة عضمك لازم تشوف حل
آه لابد من حل فورى وسريع وعاجل وطارىء
وقررت يا أخوانا أعمل جمعية أسمها جمعية المطحونين فى الارض
وما اكثر المطحونين اللى البلا طايلهم ولا هوه انا بس اللى مطحون
اهو كده نبقى لمة وعزوة واللمة تخوف مش كده ولا ايه؟؟؟
وبعد الاشهار وشوية مرار نروح بقى للجماعة بتوع حقوق الانسان على كام منظمة دولية من بتوع المطحونين ومعونة من امريكا تبقى فرجت واتعدلت وزهزهت يا جدعان
ايه رأيكم فى الفكرة البتنجانية ومين معايا يا جدعان خلينا نقب بقى على الوش ونلهط حبة كريمة قبل ما تخلص وكله على قفا صاحب المخل
موضوع: جمعية المطحونين فى الارض 
الأحد يوليو 19, 2009 7:44 am
