فيها مافيش .... فيها مافيش ؟
ليه أسئلتك جايا بشويش ؟
قول ما في نفسك ما تخبيش
ليه الغربة ما تخبيش ؟
علم وطنك يسكن فيك
علم وطنك يفرح بيك
الأسفار دي عيشة حميدة
إلا لسينا شاردة فقيدة
كتر أوطانك كتر مش ميـزة
إلا إذا كنت بنفس عزيــزة
لوتنفع فيها التعويذة
كانوا زادوا في التسعيــرة
خايف أحكي مين أصحابي ؟
خايف أحسن تاخدوهم مني
خايف أقول عن محرابي ؟
يستنوني في الأعتابِ
خايف أظهر ضعفي وحيرتي
تاخدوا مني العين والنني
خواتيم الدمع معصوبة في خدي
وأنا ماشي فيها على قدي
شايل حلمي المصلوب على يدّي
مش طالب طار لكنّي .. طالب أعدّي
يا بلاد محبوسة بين قبرين
الدمّ رسايل ع ... الشطين
بيني وبين الخير شبرين
لكن منصوب لي ألف كمين
من يرفع راية ويفك سجين ؟
من يصنع بسمة اللحن حزين ؟
زادت تجاعيد النهرين
والميه رايحه بعيد على فين ؟
شايف صورة عمالة بتكبر
واحنا بره البرواز الأخضر
المركب شايله بني آدمين
ولساك شـــــايل حملك أكبر
موضوع: مافيش 
الأربعاء يونيو 22, 2011 9:32 am
