زي الصديق

ورق .. ورق .. ورق .. ورق
الدنيا طيـــــارة ورق
في كف مولود اتخلق
تايه غريب على السبق
شايل على وشه الزهق
لكنهْ ميت بالقلق
أعمى وشايف من حلق
والعمر دا حمولة ورق
ليه الكتاب يخفي النبأ ؟
ملومين على كلمة بنكتبها
ومتـــــاخدين عمداً خطأ
دنيا بتكمل في مصايبها
واحنا بقايا من صدأ
أو عقب سيجار اتحرق
مقلوب على شط اتخنق
من كتر ما شربوا امتلأ
لافف على باقي الرغيف
ماسح بأحلامه الرصيف
والوقت ضايع للضيوف
ايه منتظر بعد الخريف ؟
الدنيا طوق لا ينتهي
كفي عن اللوم انتهي
دوري على مجد اتسرق
أو قبر واسع يشتهي
عشرين سنة عدّوا عليا
الحسرة فيهُم مش شويا
لكن كبرت ع .. العدد
شايف الرمال تدفن بلد
النيل مهاجر و المدد
الشمس غايبة في الرمد
مِن بلّغك سن الرشد ؟
مَن حط في الصــورة ولد ؟
محسوب علينا والنكد
حسبة مماليك وسند
فرعون وراح غيره اتوجد
كان نفسي أختار العدو
زي الصديق اللي شرد

مصر اتحررت وتحقق الحلم
ومصير كل فرعون معروف

رائع يا دكتور حلمى