أسعار سوق السيارات المستعملة

أحد أقربائى يرغب فى شراء فيرنا كامله مانيوال موديل 2007 أو 2008 بشرط تكون دواخل الفبريكه و رشه من الخارج فقط فما السعر بالتحديد لهاتين السيارتين و هل يختلف السعر لو كانت الحاله فبريكه بره و جوه ؟؟؟؟؟؟؟

مبلغ 65000 جنيه . أيهما تفضل و ترشحلى هيونداى الانترا 2005 أو 2006 أوتوماتيك أم متسوبيشى لانسر 1300 سى سى أتوماتيك ؟؟؟؟؟؟؟
و ياترى لو لانسر يبقى موديل ايه بالسعر ده ؟؟؟؟؟؟؟؟؟

بالنسبه لاسعار الكورولا اللى حضرتك حددتهالى قبل كده و هى 2002 = 65 و 2003 = 70 و طبعا الجير فى الحالتين أوتوماتيك و موتور1300 سي سى و الرش فى الخارج .
هل السعر ده معناه ان العربيه فيها حاجه جوه بمعنى فيها أجزاء رشه فى دواخلها فى الحوض أو الشنطه مثلا ؟؟؟؟؟
و لا ده سعر العربيه اللى دواخلها فبريكه فبريكه ؟؟؟؟؟؟؟؟؟؟؟

دكتور تامر لو عربيه كورولا موديل 2006 كامله أوتوماتيك بس كانت اتخبطت جامد من الأمام و غيرت الربع الأمامى ( فى التوكيل ) تعمل فلوس أد ايه ؟؟؟؟؟؟؟؟؟ و اللون فضى سلفر .

و تويوتا كورولا 2007 كامله أوتوماتيك اللون أسود مغيره الربع الخلفى معروضه عليا ب 63000 جنيه فما رأيك و هل تنصح بالشراء ؟؟؟؟؟؟
و لو أنا اشتريتها هل سهل عليا اعادة بيعها مره أخرى ولا هابقى اتدبست فيها ؟؟؟؟؟

فيات تيمبرا جميع الكماليات فابريقة بالداخل لا تحتاج مصروفات لأن معمول لها صيانة كاملة من شهر
العربية موديلها 99

فيه عربيه كورولا 2004 كامله أوتوماتيك (عند تاجر ) و عارضها للبيع ب 70000 جنيه و رشه بره و الدواخل فبريكه حسب ما اللى شافوها اتكلموا عليها فسألت واحد من معارفى تاجر سيارات بردو و قاللى اصرف نظر لانه تاجر يعنى اشتراها من الزبون بأقل من 70000 جنيه يبقى العربيه فيها حاجه جوه .
فهل الكلام ده صح لانى شاكك فى كلام التاجر اللى انا سالته ؟؟؟؟
و هل فعلا 70000 جنيه فى كورولا 2004 اوتو دواخل فبريكه و رشه بره سعر معقول ؟؟؟؟؟؟؟

albalshy كتب:

دكتور تامر لو عربيه كورولا موديل 2006 كامله أوتوماتيك بس كانت اتخبطت جامد من الأمام و غيرت الربع الأمامى ( فى التوكيل ) تعمل فلوس أد ايه ؟؟؟؟؟؟؟؟؟ و اللون فضى سلفر .

هوه أيه موضوع العربيات المغيرة ربع !!!!!!!!!!
السعر :50000 وحرام فيها الفلوس لأنها لن تعطيك سعر فى إعادة البيع

يا دكتور تامر فيه سؤال محيرنى و عايز اعرف اجابته بشده لو سمحت
لو العربيه معروضه للبيع و قدامها زبون و تاجر فى نفس الوقت
فطبعا سعر الزبون غير سعر التاجر و أعلى منه عشان التاجر يعرف يسترزق لانه سيقوم باعادة بيع السياره مره اخرى .
السؤال هنا بقى فرق السعر بين اللى هايدفعه الزبون و التاجر بيبقى أد ايه ؟؟؟؟؟؟؟؟

يعنى باختصار متوسط مكسب التاجر من العربيه أد ايه ؟؟؟؟؟؟
و هل المسأله دى بتختلف لو العربيه موديل قديم أو حديث ؟؟؟؟؟؟؟

انا كونت فى السوق الجمعه اللى فاتت و عجبتنى عربيه الانترا 2006 اوتوماتيك مع تاجر و كان طالب فيها 61000 جنيه وممكن تخلص ب 60 بصراحه العربيه كانت تحفه حوض فبريكه تمام و زى الفل و الشنطه زيرو و رشه حزام جنبين فقط بس صعقت أوى لانى اكتشفت ان الجنب اليمين راشش فى حلوق العربيه .
يا ترى دى مشكله فى العربيه و سعرها ينزل كتير عن كده ولا دى حاجه مافيهاش مشكله يعنى ده عيب جامد فى العربيه ولا حاجه بسيطه و بتعدى ؟؟؟؟؟؟؟؟

كل سنه و انت طيب يا دكتور .
عيد سعيد عليك و علينا و على الامه الاسلاميه جمعاء .

يعنى يا دكتور مصطلحات عربيه كنبه و عربيه مشنه أو عربيه كنبه و مشنه فى وقت واحد ؟؟؟؟؟؟؟؟؟؟؟
و هل التسميه دى بتتسمى كتير على العربيات الدايو النوبيرا ؟؟؟؟؟؟؟
و كمان شوفت فى السوق الانترا 2006 اوتو و كانت هاتخلص على 62000 جنيه بس قريبى اللى كان معايا قاللى بلاش دى عربيه كنبه يعنى ده عيب كبير فى العربيه ولا ايه بالزبط انا محتار خالص .

يا دكتور عربية لانوس موديل ال2007 راشة برة وكاملة مانوال تعمل 48 ألف ولا كتير ؟

فيات 131 مو80 حالة جيدة تعمل كام

عربية لادا 2105 لونها أحمر وداوخل غير مرشوشة فيه برومة فى الشنطة والعتب على خفيف موتور وعفشة تمام وهيه 95 تعمل كام ؟

هو السوق هايتزبط امتى بقه من حيث البيع و الشراء و استقرار الاسعار لان بصراحه مش عارف ابيع عربيتى اللانسر الكريستاله ال 98 الأوتو مفيش زباين خالص و التجار بيفطسوا فى سعر العربيه و معظم التجار عربياتهم واقفه و مش عارفين يبيعوها لا بالرخيص ولا بالغالى لأن الزباين اختفت خالص فلحد امتى الوضع ده هايستمر أنا عايز ابيع عشان اغير بس فى نفس الوقت مش عايز اخسر كتير .

عربية كورولا تكييف وباور موديل 1998 راشة الخوارج وبحالة متوسطة عايزة طقم كاوتش تعمل كام

ممكن أيه عربية لبنت تكون فى حدود 35 ألف
شكرا لتعبك