verna
عضو ذهبى
عدد المساهمات : 227
تاريخ التسجيل : 28/05/2009
 |  موضوع: صدمة.. بالفيديو : أسماء محفوظ قبل 25 يناير كانت ضد الثورة !  الأربعاء أكتوبر 19, 2011 10:23 am | |
| صدمة..
بالفيديو : أسماء محفوظ قبل 25 يناير كانت ضد الثورة !
أنتشر عبر
المواقع الاجتماعية خلال الفترة الأخيرة فيديو للناشطة السياسية أسماء محفوظ والتي
تعد من أبرز المتحدثين باسم الثورة المصرية ، وهي تدعو الناس لعدم الإلتفات إلى
دعوات إقامة المليونيات والانسياق وراء مثل هذه الشعارات التي رأتها دعوة لنشر
الفوضى بالبلاد..
كتب : كريم كمال
وقد وضحت بيانات هذا الفيديو بأنه تم تسجيله يوم 10
يناير وهو نفس تاريخ تحميله على حسابها الشخصي بموقع الفيس بوك، ، وهو الأمر الذي
يبدو في غاية الغرابة خاصة أنها ركزت في كلامها علي دعوة الناس إلى التفكير وعدم
الانسياق وراء دعوات المليونيات والمظاهرات التي تؤدى إلى فوضى في الشارع ولن تؤدى
إلى تغيير، وأن النظام السابق-الحالي وقتها- ليس كله مساوئ وإنما أيضا له مميزات
فلابد من الحفاظ عليها، وأضافت أسماء أن بلدنا فيها حاجات حلوة ومش عايزين
نخربها!
وبعد تداول الفيديو بين الكثير من مستخدمي المواقع الإجتماعية قامت
أسماء بنشر مقال بجريدة البديل تقول فيه : انتشر أووي فيديو يخصني على فيسبوك ودا
كان أول مرة اعمل فيديو في حياتي في أول 2011 وكان بعنوان دعوة للتفكير .. ده
اللينك الأصلي للفيديو وأرجوكم اقروا المناقشات أسفل
الفيديو
https://www.facebook.com/video/video.php?v=10150357429740230
يؤسفني
أني أضطر اشرح الفيديو.. وده مش دفاع عن نفسي عشان مبقاش فارق معايا مين يقول إيه
ومين ميقولش إيه ..
أنا الخاينة العميلة اللي بتتمول بملااايين لتخريب البلد
وأنا اللي موقفة عجلة الإنتاج .. لكن أنا باشرح الفيديو عشان في ناس كتيير عمال
تسألني وفاكرين أن الفيديو متفبرك، لكن الحقيقة أن الفيديو ده بتاعي وأنا مقتنعة
بكل كلمة فيه ، بس اسمعوه كويس
الوقت ده كان كل حاجة متلخبطة وكان اغلبنا يائس
من فكرة الثورة … وكان اغلب النخبة السياسية بتشتغل على أنهم يعملوا مليونية في
التحرير ويبقى كده عملنا تغيير ، بس أنا كان عندي سؤال أو أسئلة … هو يعني اي
تغيير؟؟؟؟ لو سيطرنا على الحكم هنعمل إيه؟؟؟ هو كل حاجة في نظام مبارك عايزين
ننسفها؟؟
لما كنت بسأل الأسئلة دي كنت بلاقي إجابات مختلفة ويا ريتها إجابات …
واللي جنني وقتها أن جمال مبارك كمان بقى بينادي بالتغيير ، ولما قريت برنامج الحزب
الوطني كان جميييل لكن مكنش فيه حاجة بتتنفذ ، والقانون والدستور كان فيه حاجات
جميلة … ولكن مكنش فيها حاجة بتتنفذ ، الوقت ده أنا تنحت وعشان درست تخطيط
استراتيجي فكنت بسال نفسي هو مين من السياسيين حاطط خطة للتغيير؟؟؟؟
وساعتها
كتبت النوت دي ويا ريت برضو تقروا التعليقات إنها
مهمة
https://www.facebook.com/note.php?note_id=476402864442
ثورة يعني ليها
أهداف .. مليونية يعني عارفين إحنا نازلين ليه وهنمشي امتى وعندنا بدائل
تغيير
ممكن يكون ليه مفهوم كتييير … وده عرفناه لما مبارك تنحى عرفنا أن المشكلة مش في
الرئيس المشكلة في منظومة كاملة ، قبل ما ندعو الناس لحاجة لازم نبقى عارفين إحنا
رايحين على فين ، يوم 18 يناير لما عملت فيديو أنا نازلة يوم 25 … كان ساعتها خلاص
بقى مكنش ينفع السكوت وساعتها كان كل يوم يحصل حدث يدمرنا اكتر … ولما ثورة تونس
نجحت حييت فينا الامل تاني ان لا نقدر نعمل تغيير حقيقي ولما في ناس ولعت في نفسها
ومنهم واحد مات نزلت يوم 18 يناير التحرير صرخت في كل الناس انتو ساكتين
ليييه؟؟
محدش عبرني وكل الناس وقفت تتفرج وأنا كنت في حالة انهيار عصبي ولما كنت
هتاخد وقتها من الأمن قررت إني اعمل فيديو وهنزل يوم 25 يناير حتى لو لوحدي .. مهما
حصل لازم البلد دي يبقى ليها كرامة مش هستنى لما كل البلد تولع في نفسها ، معنديش
كلام تاني اقوله …. لكن في حاجة عايزة أؤكد عليها للمرة المليون ، الثورة دي كانت
نتاج تراكمات عمل ونضال اكتر من 30 سنة ..وان الشباب اللي ظاهرين على الساحة اللي
انا واحدة منهم مش مفجرين ولا أبطال ثورة ، عشان الأبطال الحقيقيين استشهدوا أو
الإعلام مش بيهوب ناحيتهم ..
وعشان كمان ثورة مصر كانت نتيجة لاتحاد شعب وقام
بدور عظيم منقدرش حتى لو حاولنا أننا نختزله في مجموعة أشخاص ، لو أنا عميلة أو
خاينة أو منافقة أو ممثلة … ده مش فارق في حاجة عشان انا ليا دور زي كتييييييييير
اووي ليهم دور ، ودوري ده مش متوقف ان الناس تحبني او تكرهني .. أو حتى الناس
تكدبني أو تصدقني ، فاللي عايز يصدق حاجة بيصدقها .. وصدقوا اللي عايزين تصدقوا ،
لكن المهم أنكم انتم كمان تعملوا حاجة ايجابية للبلد دي … بغض النظر عن شباب
الثورة ..
والآن .. أعيدوا قراءة كلام اسماء .. ثم شاهدوا الفيديو ، وفي انتظار
تعليقاتكم .
بوابة الشباب
عدل سابقا من قبل verna في الأربعاء أكتوبر 19, 2011 10:25 am عدل 1 مرات | |
|
verna
عضو ذهبى
عدد المساهمات : 227
تاريخ التسجيل : 28/05/2009
| | موضوع: رد: صدمة.. بالفيديو : أسماء محفوظ قبل 25 يناير كانت ضد الثورة ! الأربعاء أكتوبر 19, 2011 10:24 am | |
| | |
|
